गण्डकी प्रदेशका अर्जुन कुमालले एक दिवसीय क्रिकेटमा नेपाली राष्ट्रिय क्रिकेट टिममा डेब्यु गर्ने भएका छन्। घरेलु मैदानमा जारी आईसीसी विश्वकप लिग-२ अन्तर्गत यूएईविरुद्धको खेलबाट अर्जुनले राष्ट्रिय टोलीमा डेब्यु गर्ने भएका हुन्। अर्जुनलाई राष्ट्रिय टोलीका कप्तान रोहित पौडेलले डेब्यु क्याप दिएका हुन्। घरेलु क्रिकेटमा गण्डकी प्रदेशबाट खेलिरहेका अर्जुनले नेपालको उमेर समूह यू-१९ बाट नेपालको प्रतिनिधित्व गरिसकेका छन्। यसै सिजिनको पीएम कपमा अर्जुनलले एकै संस्करण ५ सय रनको आँकडा पार गरेका थिए।