संयुक्त विद्यार्थी संगठनले काठमाडौंको कीर्तिपुरस्थित त्रिभुवन विश्वविद्यालयमा मार्स पास गरेको छ।
सरकारले विद्यालय र विश्वविद्यालय हाताबाट स्ववियु र विद्यार्थी संगठन खारेजी निर्णय गरेकोलगायत विरोधमा संयुक्त विद्यार्थी संगठनहरूले आज मार्च पास गरेका हुन्।
उनीहरूले बढ्दो महंगी नियन्त्रण गर्न पनि माग गरेका छन्।
साथै शैक्षिक संस्थाहरूलाई ब्यारेकीकरण गर्ने कार्य बन्द गर्नुपर्ने विद्यार्थीहरूको भनाइ छ। सरकारले प्रहरी युनिट राखेर भए पनि विद्यार्थी संगठन हटाउने तयारी गरेकोप्रति लक्ष्य गर्दै उनीहरूले यस्तो बताएका हुन्।
विश्वविद्यालयमा मेरिटोक्रेसी लागू गर्न पनि उनीहरूको माग छ। विद्यार्थीलाई दिइँदै आएको ४५ प्रतिशत भाडा छुट कायम राख्न पनि उनीहरूले माग गरेका छन्।
