कान्तिपुरकर्मी ज्योति कटुवाल पुरस्कृत

कर्णालीटुडे २०७८, ३१ भाद्र बिहीबार ०८:४७

सुर्खेत । मानव बेचविखन तथा ओसारपसार नियन्त्रणको क्षेत्रमा लेखनका माध्यमबाट उत्कृष्ट कार्य गरेको भन्दै कान्तिपुरकर्मी ज्योति कटुवाल पुरस्कृत भएकी छिन् ।

कटुवाल कान्तिपुर दैनिकमा विगत लामो समयदेखि कर्णालीलाई आधार क्षेत्र बनाएर कलम चलाउँदै आएकी छिन् ।

महिला, बालबालिका तथा ज्येष्ठ नागरिक मन्त्रालयले आइतबार आयोजना गरेको मानव बेचबिखन तथा ओसारपसार विरुद्धको १५ औ राष्ट्रिय दिवसका अवसरमा छापा पत्रिका तर्फ कटुवाल देशभरबाट एक मात्र पुरस्कृत हुनेमा परेकी हुन् ।

पुरस्कृत पत्रकार कटुवालले वैदेशिक रोजगारीको बहानामा मानव बेचबिखन बढिरहेकाले अब सञ्चार जगत्को ध्यान त्यसतर्फ केन्द्रित हुनुपर्ने बताइन् ।

‘यो पुरस्कारले मलाई मानव बेचबिखन नियन्त्रणको सवालमा कलम चालउने थप प्रेरणा मिलेको छ, अब सञ्चार जगतको ध्यान यसतर्फ केन्द्रित गर्न आवश्यक देखिन्छ,’ कटुवालले भनिन् ।

तीनै तहका सरकार मानव बेचबिखन नियन्त्रणका लागि जिम्मेवार भएर लाग्नुपर्ने कटुवालको सुझाव छ । ‘प्रदेश र स्थानीय तहले यो केन्द्रको जिम्मेवारी हो भन्दै पन्छिने गरेको पनि देखियो, यस्लाई साझा जिम्मेवारी बनाइनु पर्छ,’ उनले भनिन् ।

Leave a Reply

Your email address will not be published.

Next Post

याे वर्षका ९ उत्कृष्ट दक्षिण भारतीय फिल्म : 'दृश्यम-२' देखि 'पुष्पा' सम्म

२०७८, ३१ भाद्र बिहीबार ०८:४७
२०२१ को सुरुवात भारतीय सिनेमाका लागी उत्कृष्ट रह्यो भने दक्षिण भारतीय फिल्मको क्रेज पनि लगातार बढिरहेको छ। सामग्रीको गुणस्तरका कारण दक्षिण भारतीय चलचित्रहरु लकडाउनको समयमा ओटीटीमाा मा सबैभन्दा धेरै हेरिएका छन्। मास्टर, अन्नात्ते, पुष्पा जस्ता चलचित्रहरूले दर्शकको मन जितेका छन्। यो वर्ष मन पराइएका दक्षिण भारतीय फिल्महरु : दृश्यम २ […]