फागुन अन्तिम साता ‘कर्णाली उत्सव’को दोश्रो संस्करण

कर्णाली टुडे
कर्णालीटुडे २०७७, २० पुष सोमबार १२:५७

सुर्खेत । फागुन अन्तिम सातादेखि ‘कर्णाली उत्सव’को दोश्रो संस्करण सञ्चालन हुने भएको छ । फागुन २७, २८ र २९ गते तीन दिनसम्मा कर्णालीको प्रदेश राजधानी वीरेन्द्रनगरस्थित बुलबुले उद्यानमा आयोजना हुने उत्सवमामा ‘कुडा कर्नालीका’ गरिने छ ।

उत्सवमा देशावरबाट ५० बढी साहित्यकार, लेखक, पत्रकार, कलाकार र विशिष्ट व्यक्तिहरुको सहभागीतामा कर्णालीको इतिहास, राजनीतिक, आर्थिक, सामाजिक, कला, साहित्य, सांस्कृतिक र ऐतिहासिक पहिचान लगायतका विभिन्न विधामा विमर्श र बहस गरिने उत्सवका संयोजक कमलराज लम्सालले जानकारी दिए ।

संयोजक लम्सालका अनुसार उत्सवमा यहाँको आर्थिक अवसरहरुको खोजी गर्नु, कर्णालीको जनजीवन, इलम र सीपको चर्चा गर्नु, कर्णालीलाई पर्यटकीय गन्तव्य बनाउन सहयोग गर्नु नै उत्सवका उद्देश्य हरेको छ ।
ऋति फाउण्डेसनले आयोजना गर्दै आएको उत्सवमा विशेषगरी सरोकारवालासँगको बहसलाई प्राथमिकतता दिइएको छ । बहसमार्फत नै कर्णालीको पहिचान गराइने आयोजकले बताएको छ ।

फागुन अन्तिम साता देशकै ध्यान कर्णालीमा केन्द्रित गर्ने गरि दोश्रो संस्करण तयारी भै रहेको उत्सवका संस्थापक दिनेश गौतमले बताए । ‘उत्सवले कर्णालीको वास्तविकतालाई बाहिर ल्याउनुका साथै देशकै ध्यान कर्णालीमा तान्ने छ । सोही अनुसार तयारी थालेका छौं,’ गौतमले भने ।
२०७६ फागुनबाट शुरु भएको ‘कर्णाली उत्सव’ हरेक वर्ष आयोजना गरिने आयोजकले जनाएको छ । ‘कर्णाली उत्सव विचारको कुम्भ मेला हो ।
उत्सवमा कर्णालीको पहिचान र संभावना केलाइन्छ,’ उत्सवका संयोजक लम्सालले भने, ‘हामी यो प्रत्येक वर्ष गछौं । उत्सव मार्फत समस्याको समाधान खोज्छौै र सरकारलाई जनताप्रति जवाफदेही बनाउने प्रयास गछौं ।’

उत्सवको दोश्रो संस्करणमा थप आकर्षणका केही प्रस्तुतिहरु समेत थप्ने आयोजकले जनाएको छ । जसमा कर्णालीका मौलिक कलाहरुको प्रस्तुति तथा नदेखिएका र नसुनिएका हिरोहरुका कथा पनि रहनेछन् ।

उत्सवस्थलमा कर्णालीको बृहद् चिनारी झल्काउने सांकेतिक चिन्हहरु पनि रहनेछ ।

कोरोना महामारीलाई मध्यनजर गर्दै भौतिक दुरीको पालना सहित सकेसम्म धेरै दर्शकको प्रत्यक्ष सहभागिता गराउने आयोजकले जनाएको छ । महामारीको संक्रमण झनै उच्च भए अभौतिक रुपमै भएपनि उत्सवलाई निरन्तरता दिइने बताइएको छ ।

Leave a Reply

Your email address will not be published. Required fields are marked *

Next Post

कर्णालीका तीन जिल्लामा कोरोना सङ्क्रमितको सङ्ख्या शून्य

२०७७, २० पुष सोमबार १२:५७
कर्णालीका तीन जिल्लामा कोरोना भाइरस सङ्क्रमितको सङ्ख्या शून्यमा झरेको छ । कालीकोट, रुकुमपश्चिम र मुगु जिल्लामा कोरोना सङ्क्रमितको सङ्ख्या शून्यमा रहेको सामाजिक विकास मन्त्रालयले जनाएको छ । सबै सङ्क्रमित निको भई डिस्चार्ज भएसँगै ती जिल्ला कोरोनामुक्त भएका हुन् । यसअघि रुकुमपश्चिममा २५५, कालीकोटमा ३२८ र मुगुमा ४१ जनामा सङ्क्रमण पुष्टि […]