गुणस्तरीय सेवा नभएपछि हुम्ला टेलिकम कार्यालयमा तालाबन्दी

कर्णालीटुडे २०७७, २६ मंसिर शुक्रबार १७:५९

सुर्खेत । गुणस्तरीय सेवा नभएको भन्दै नागरिक अगुवाहरुले हुम्ला टेलिकम कार्यालयमा तालाबन्दी गरेका छन् । टेलिकमका सेवाहरु बेला बेलामा अवरुद्ध हुने गरे पनि मर्मतमा बेवास्ता गरिएपछि तालाबन्दी गरिएको हो ।

टेलिफोन, इन्टरनेट र मोबाइल सेवा गुणस्तरीय नभए पछि नागरिक अगुवाहरुले कार्यालयमा तालाबन्दी गरेको नागरिक अगुवा सोनामछिरिङ लामाले जानकारी दिइन ।

‘महिनौ देखी फोनसेवा अवरुद्ध छ । दुर्गम गाउँका बासिन्दाको सदरमुकामसँग सम्पर्कविच्छेद भएको छ,’ उनले भनिन्,‘त्यसैले हामी टेलिकमको कार्यालयमै तालाबन्दी गर्न बाध्य भयौं ।’

जिल्लामा सक्रिय युवा समूह, विभिन्न विद्यार्थी संगठन, महिला सञ्जाल र नागरिक समाजले कार्यालयमा तालाबन्दी गरेका थिए । झण्डै ६० जनाको समूहले तालाबन्दी गरेको उनको भनाइ छ ।

उता, टेलिकम प्रमुख शिवप्रसाद भट्टराईले भने क्षमताभन्दा बढी मोबाइल सीम वितरण गरिएका कारण समस्या भएको बताए । ‘हामीले मर्मतलाई निरन्तरता दिएका छौं । सेवालाई गुणस्तर बनाउन आवश्यक प्रयास गरिरहेका छौं,’ उनले भने ।

Leave a Reply

Your email address will not be published. Required fields are marked *

Next Post

माथिल्लो डोल्पामा दुई वर्षपछि पुग्यो चामल

२०७७, २६ मंसिर शुक्रबार १७:५९
सुर्खेत । झण्डै दुई वर्षपछि माथिल्लो डोल्पामा चामल ढुवानी सुरु भएको छ । सुर्खेतबाट माथिल्लो डोल्पाका लागी ३ हजार ७४ क्विन्टल चामल ढुवानी थालिएको हो । सुर्खेतबाट सदरमुकाम दुनै हुँदै माथिल्लो डोल्पाका डोल्पोबुद्ध, छार्काताङसोङ र शेफोक्सुण्डो गाउँपालिकाका चामल ढुवानी शुरु भएको खाद्य व्यवस्था तथा व्यापार कम्पनी लिमिटेड डोल्पाका प्रमुख कमलराज […]