दैलेखका कोरोनाकाे सुर्खेतमा मृत्यु

कर्णालीटुडे २०७७, २५ मंसिर बिहीबार १३:३७

सुर्खेत ।  दैलेखका एक जना कोरोना संक्रमितको उपचारका क्रममा सुर्खेतमा मृत्यु भएको छ । मृत्यु हुनेमा जिल्लाको गुरास गाउँपालिका–५ का ८७ वर्षीय पुरुष छन् ।

उनलाई सास फेर्न कठिनाई भएपछि मंसिर १५ गते प्रदेश अस्पतालको कोभिड आइसियुमा भर्ना गरिएको थियो। उनलाई त्यसै दिन कोरोना पुष्टि भएको थियो।

अस्पताल भर्ना हुने समयमा अक्सिजनको मात्रा ८५ प्रतिशत रहेको र उपचारका क्रममा बिहीबार बिहान ८ बजेतिर मृत्यु भएको कर्णाली प्रदेश सरकार सामाजिक विकास मन्त्रालय अन्तर्गतको स्वास्थ्य सेवा महाशाखाले विज्ञप्तिमार्फत जनाएको छ।

उनको शरीरमा चिनीको मात्रा धेरै रहेको महाशाखाले जनाएको छ। कर्णाली प्रदेश सामाजिक बिकास मन्त्रालय अन्‍तर्गतको स्वास्थ्य सेवा महाशाखाका अनुसार बिहीबारसम्म कर्णाली प्रदेशमा कोरोना संक्रमण पुष्टिपछि मृत्यु हुनेको संख्या २१ जना पुगेको जनाएको छ।

Leave a Reply

Your email address will not be published.

Next Post

सुर्खेतमा लोकसेवा आठ नक्कली परीक्षार्थी पक्राउ

२०७७, २५ मंसिर बिहीबार १३:३७
सुर्खेत । जिल्ला प्रहरी कार्यालय सुर्खेतले अर्काको नाममा परीक्षा दिने आठ नक्कली परीक्षार्थीलाई पक्राउ गरेको छ । लोकसेवा आयोगको कार्यालय सुर्खेतमा प्राविधिक जवान सङ्गीततर्फको परीक्षामा अर्काको परीक्षा दिँदै गरेका आठ जनालाई बुधबार प्रहरीले पक्राउ गरेको हो । पक्राउ पर्नेमा भगवतीमाई गाउँपालिका-७ दैलेख निवासी कमल विकको स्थानमा परीक्षा दिने सोही गाउँपालिकामा […]