सिमकोटले कर्णाली सरकारकासँग माग्यो १८ हजार स्याउका विरुवा

कर्णाली टुडे
कर्णालीटुडे २०७७, २४ मंसिर बुधबार १४:२८

सुर्खेत । सिमकोट गाउँपालिकाले कर्णाली प्रदेश सरकार सँग १८ हजार स्याउका विरुवा माग गरेको छ । गाउँपालिकाले प्रदेशको भूमि, सहकारी तथा कृषि मन्त्रालयसंग अठार हजार स्याउका बिरुवा माग गरेको हो ।

हुम्लामा ब्यबसायीक स्याउँ खेती गर्ने किसानको संख्यामा वृद्धि भएपछि गाउँपालिकाले ठूलो संख्यामा प्रदेश सरकारसँग स्याउका विरुवा माग गरेको हो ।

स्याउ खेतीको बढी संभावना भएका हुम्लाका गाउँपालिकाहरुलाई प्रदेश सरकारले बिरुवा माग गर्न परिपत्र गरेपछि सिमकोट गाउँपालिकाले अठार हजार स्याउका बिरुवा माग गरेको गाउँपालिकाको कृषि शाखाका प्रमुख नेत्र बहादुर शाहीले बताए ।

स्याउ खेती गर्ने किसानको बिबरण लिएर प्रदेशसंग ती बिरुवा माग गरिएको हो । अब प्रदेशले बजेट वा बजेट के पठाउछ त्यो खोलिएको छैन् ।

प्रमुख शाहीले जे आए पनि ब्यबसायीक स्याउ खेती गर्ने किसानलाई सुबिधा उपलब्ध हुने छन ।  सिमकोट गाउँपालिकाका आठ वटै वडाहरु स्याउ खेतीका लागि उपयुक्त भएको र किसानसंग बिरुवा मागका लागि निवेदन माग गरेको थियो।

गाउँपालिकाले कम्तीमा एक सय बोट स्याउ लगाउने गरि निबेदन दिन किसानसँग आग्रह गरेको थियो । गाउँपालिकाले आफ्नो बार्षिक कार्यक्रमबाट पनि छ हजार स्याउका बिरुवा बितरण गर्ने कार्यक्रम रहेको जनाएको छ ।

Leave a Reply

Your email address will not be published. Required fields are marked *

Next Post

कर्णालीमा यो वर्ष ४९ नयाँ कुष्ठरोगी भेटिए

२०७७, २४ मंसिर बुधबार १४:२८
सर्खेत । कर्णाली प्रदेशमा ४९ जना नयाँ कुष्ठरोगी पत्ता लागेका छन । साइनिङ अस्पताल, आइएनएफ नेपाल सुर्खेतले एक कार्यक्रमका बिच ४९ नयाँ कुष्ठरोगी पत्ता लागेको तथ्याङ्क सार्वजनिक गरेको हो । आर्थिक वर्ष २०७६÷७७ मा कर्णाली प्रदेशका विभिन्न जिल्लामा गरी ४९ जना कुष्ठरोगका बिरामी पत्ता लागेको अस्पतालका व्यवस्थापक मङ्गल थारूले बताए […]